पत्रकार महासंघमा विपुल पोखरेल पक्षको अग्रता कायमै, कस्को कति मत ?



काठमाडौं, २६ चैत ।
नेपाल पत्रकार महासंघको बुधबार भएको २६ औं महाधिवेशनबाट विपुल पोखरेल नेतृत्वको प्यानल अधिकांश ठाउँमा अग्रता लिएको छ । महासंघकाअनुसार प्रेस युनियन, प्रेस सेन्टर र प्रेस चौतारी (माधव पक्ष) सहितको संयुक्त प्यानलले अग्रता कायमै राखेको छ । नेकपा (एमाले) निकट प्रेस चौतारी नेपाल, जसपा निकट प्रेस मञ्च नेपाल र राप्रपा निकट मिडिया नेपालसहितको प्यानलबाट निर्वाचनमा होमिएका निर्मला शर्मा नेतृत्वको प्यानल केही जिल्लामा अग्रता लिएपनि पछाडि रहेको छ । देशको अधिकांश जिल्लामा मतगणना जारी रहेको र केही जिल्लाको परिणाम मात्र आएको छ ।

आएको परिणामअनुसार दुवै प्यानलबाट विजयी शुरुवाट भइसकेको छ । महासंघ निर्वाचन समितिका संयोजक कपिल काफ्लेकाअनुसार काठमाडौंमा अहिलेसम्म प्राप्त तथ्याङ्कअनुसार बिपुल पोखरेलले ८६४ मत प्राप्त गरे । अन्य अध्यक्षका उम्मेदवारमा निर्मला शर्माले ३७१, गजेन्द्र सिंह बुढाथोकीले २९ र ९ मत प्राप्त गरेका छन् ।

त्यसैगरी वरिष्ठ उपाध्यक्षमा रमेश विष्टले ७५८, माधव नेपालले ३८६ मत प्राप्त गरेका छन् । सोहीअनुसार महिला उपाध्यक्षमा बाला अधिकारीलाई ८०१ र दाना केसीलाई ३३६ मत प्राप्त गरेका छन् । त्यस्तै उपाध्यक्ष (समावेशी) अन्तर्गत उदय जिएमले ३९६ र अवधेश झाले ३५२ मत प्राप्त गरेका छन् । मोहनकुमार सिंहले ७५ मत प्राप्त गरे । त्यस्तै, महासचिवमा रोशन पुरीलाई ६८९, बालकृष्ण बस्नेतलाई ३९७ र सुबोध गौतमलाई ७९ मत प्राप्त गरेको छ । त्यस्तै, सचिव खुलातर्फ गोविन्द चौलागाईलाई ६८८, रामकृष्ण ज्ञवालीले ३२२, जन्मदेव जैशीले ७१ र यम विरहीलाई ७३ मत प्राप्त भएको छ ।

निर्वाचन संयोजक काफ्लेकाअनुसार महिला सचिवमा सिर्जना अर्याललाई ७२४ र निमा काफ्लेलाई ४०२ मत प्राप्त भएको छ । त्यस्तै, सचिव आदिबासीमा नारायण किलम्बुलाई ७११, शाहीमान राईलाई २९२ र रामकुमार श्रेष्ठलाई १४० मत प्राप्त भएको छ । सोहीअनुसार दलित सचिवमा हेमकर्ण विकलाई ७२३ र मधु शाहीलाई ४०२ मत प्राप्त भएको छ ।

त्यस्तै, सचिव मधेसीमा दिपेन्द्र चौहानलाई ६९०, स्वेता सिन्हालाई ४०७ र देवकुमार यादवलाई ४७ मत प्राप्त भएको छ । सोहीअनुसार सचिव एशोसियट्स तर्फ पवन आचार्यलाई ६७८, रामेश्वर कार्की २७७, केपी ढुंगाना ६७, केशवराज खनाल ४७, राधेश्याम दाहाल ३१ र विनय देवकोटाले २२ मत प्राप्त गरेका छन् ।

त्यस्तै, कोषाध्यक्षमा कलेन्द्र सेजुवाललाई ६५७, कृष्ण गिरी ३२०, माधव दुलाल १०० र प्रकाश थापालाई ५४ मत प्राप्त भएको छ । त्यस्तै, लेखा समिति संयोजकमा लेखनाथ न्योपानेलाई ६५३, द्वारिका काफ्ले ३१७ र लक्ष्मण कार्कीलाई १६२ मत प्राप्त भएको छ ।नवकान्तिपुर

प्रतिक्रिया दिनुहोस्