ए डिभिजन लिग: आज मछिन्द्र र पुलिसबीच खेल हुंदै


काठमाडौं, ८ माघ । सहिद स्मारक ए डिभिजन लिगमा आज एक खेल हुदैछ । आठौं चरणको पहिलो खेलमा लिगको दाबेदार मछिन्द्र र पुलिसबीच खेल हुने छ ।

खेल दरशर रंगशालामा दिउँसो तीन बजे शुरु हुने छ । अहिलेसम्म लीगमा मछिन्द्रको ७ खेलबाट १३ अंक रहेको छ । गत सिजन लिगमा गरेको खराब प्रदर्शनका कारण एक अंक ऋण बोकेर मछिन्द्रले लिगको सुरुवात गरेको थियो । ४ जित २ बराबर र १ हारको नतिजा सहित तेस्रो स्थानमा छ ।

लिगमा ७ खेल खेलेको पुलिसको ११ अंक रहेको छ । पुलिस ३ जित, २ बराबरी र २ हारको नतिजा सहित तालिकाको छैटौ स्थानमा छ । पुलिसविरुद्ध जित हात पार्दै मछिन्द्रलाई शीर्ष स्थानमा उक्लने मौका रहेको छ । यस्तै मछिन्द्रलाई हराउँदै पुलिस दोस्रो स्थानमा उक्लिन चाहन्छ ।

प्रतिक्रिया दिनुहोस्